ús missy:
demokratisearje publisearjen
de frijheid om te bouwen. de frijheid om te feroarjen. de frijheid om te dielen.
ús ferhaal
WordPress is begûn yn 2003, doe’t Mike Little en Matt Mullenweg in fork fan b2/cafelog makken. De needsaak foar in elegant, goed arsjitektearre persoanlik publikaasjesysteem wie doe al dúdlik. Tsjintwurdich is WordPress boud op PHP en MariaDB, en lisinsjearre ûnder de GPLv2. It is ek it platfoarm by útstek foar mear as 43% of fan alle siden op it web.
It iepenboarneprojekt WordPress hat him yn ’e rin fan ’e tiid op progressive wize ûntwikkele—stipe troch betûfte, entûsjaste ûntwikkelers, ûntwerpers, wittenskippers, bloggers, en mear. WordPress biedt elkenien de kâns om te meitsjen en te dielen, fan mei de hân makke persoanlike anekdoates oant bewegingen dy’t de wrâld feroarje.
Minsken mei beheinde technyske ûnderfining kinne it “út de doaze” brûke, en minsken mei mear technyske kennis kinne it op opfallende wizen oanpasse.
ús missy
WordPress is ûntwurpen foar elkenien.
Wy leauwe dat geweldige software wurkje moat mei in minimale ynstelling, mei klam op tagonklikens, prestaasjes, befeiliging en gebrûksgemak. De basissoftware fan WordPress is ienfâldich en foarsisber, en biedt krêftige funksjes foar groei en sukses.
WordPress is iepenboarnesoftware.
Efter it idee om publisearjen te demokratisearjen en de frijheden dy’t mei iepen boarne komme, stiet in grutte mienskip fan minsken dy’t oan dit projekt gearwurkje en bydrage.
WordPress is gastfrij en ynklusyf.
De passy fan ús meiwurkers driuwt it sukses fan WordPress en helpt jo op syn beurt om jo doelen te berikken. WordPress-meiwurkers wurkje oer de hiele wrâld en hawwe ûntelbere oeren wijd oan it bouwen fan in ark dat elkenien in stim jout.
de fjouwer frijheden
WordPress is lisinsjearre ûnder de General Public License (GPLv2 of letter) dy’t fjouwer kearnfrijheden biedt:
0
De frijheid om it programma foar elk doel út te fieren.
1
De frijheid om te bestudearjen hoe’t it programma wurket en it te feroarjen sadat it docht wat jo wolle.
2
De frijheid om opnij te fersprieden.
3
De frijheid om kopyen fan dyn oanpaste ferzjes oan oaren út te dielen.
de technology
Lear mear oer WordPress, wêr’t it west hat, en wêr’t it hinne giet.
de details
Dûk yn de eftergrûndetails, lykas de GPL en oare beliedsregels.
de minsken
Lear mear oer de mienskip, hoe’t wy mei-inoar omgean en ús grutskens sjen litte.